روايه احببت رساما الفصل الاول 1 بقلم ندى تامر

روز:انت رسام صح؟؟

(روز البطله عندها ٢٢ سنه بيضاء البشرة وقصيرة ومحجبه وشعرها طويل وكيرلى وعينيها عسلى )

قصى:اه بس منفعش معاكى عريس جاي يتقدم؟

(قصى البطل عنده27 سنه طويل وشعره ناعم وعنيه بنى ورسام محترف ويمتلك جسم رياضى)

روز:عريس؟!الموضوع دا ميخصنيش اللى يخصنى انك رسام؟

قصى:هى دى رؤيه شرعيه والا انترفيو ل شغل؟

روز بتقييم:انت شكلك حلو مش بطال يعنى…وكمان طولك حلو وشعرك ناعم ولوحاتك حلوة..يعنى كامل من مجاميعه

قصى:وانتى شوفتى لوحاتى فين؟

روز:والله هم قالولى انك عريس متقدملى وانا عملت تحرياتى عليك وشوفت كل لوحاتك وكنت ناويه ارفضك بس للاسف طلعت رسام وانا نقطه ضعفى الرسامين

قصى:امممم دلوقتى اقتنعتى انى عريس….وبعدين؟

روز:ولا قابلين مضطرة اوافق عليك؟

قصى:وجايه ع نفسك اوي كدا ليه؟

روز:عشان للاسف محتاجاك ف مسيرتى الفنيه

قصى:علفكرا انا مش جاي بارادتى لولا ولدتى اصرت انى اجى مكنتش هوافق ع المهزله دى

روز:يعنى كلنا ف الهوا سوا؟

قصى:قصدك اي؟

روز:قصدى انى محتاجه اتعلم منك كل حاجه تخص الرسم واخلص من زن اهلى ع الجواز؟

قصى:اه قولى كدا

روز:وهخلصك كمان من كلام مامتك ع الجواز

قصى:وانتى ليه تعملى كدا؟

روز:الجوازة دى احنا الاتنين هنستفيد منها وبعدين احنا هنتخطب فترة بس مش اكتر انت ترتاح من موضوع الجواز دا وانا اتعلم منك شويه حاجات وبعدها ربنا يسهل بقا

قصى:وانا موافق

روز:حلو اوي هتاكل الجاتوه والا هتروح تنام خفيف

قصى:لا هاكل مش كفايه هتدبس

روز:نعم يخويا ما انا كمان هتدبس

قصى:خلاص يستى اقعدى بقا ناكل الجاتوه بدل ما يسمعونا برا والجوازة تبوظ ونخسر بعض

روز: تصدق عندك حق ورينى كدا العلبه دى بتقول اي

قصى بضحك:الا قوليلى انتى اسمك اي؟

روز بصدمه:انت متعرفش انا اسمي اي؟

قصى:لا

روز:اسمى روز

قصى:وانا قصى

روز:عارفه!! وبعدين هو ف رسام يبقى اسمه قصى؟

قصى ضحك:انتى دمك خفيف ع فكرة

روز:ميرسى والله انت اللى زى العسل

☆☆☆☆☆☆☆☆☆☆☆☆☆☆☆☆☆☆Nada tamer

ساندى بضحك:يخرب عقلك كل دا حصل ف الرؤيه؟

(ساندى صاحبة البطله ٢٢ سنه قمحيه البشرة وطويله ومحاميه )

روز:اه والله كان لسه خمس دقايق وهقوله بحبك

ساندى:عارفاكى تعمليها.. المهم هو مقالكيش انه معجب بيكى مرتاحلك اي حاجه من دى يعنى

روز بكسوف:قالى؟

ساندى بفضول وفرحه:قالك اي؟

روز:قالى ان دمى خفيف

ساندى :الله يحرقك ي روز

روز بخضه:هو كدا مبيحبنيش؟!

ساندى:اقفلى عشان انتى هتشلينى والله

روز :خلاص بقا ي سوسو وبعدين هو اصلا جاي غصب عنه لولا طنط سعاد مامته اصرت أنه يجى مكنش اجى اصلا

ساندى:وبعدين هى مامته تعرفك منين؟

روز :كانت مع ماما ف المدرسه وجيران وهم صغيرين واتكلموا ع الفيس واتقابلوا وانتى عارفه بقا ماما وريتها صورتى وطنط ورت ماما صوره ابنها وشغل امهاات بقا والحمد لله انه طلع ابنها

ساندى بضحك :وانتى اصلا تعرفيه من قبل الحوارات دى

روز :تخيلى؟

ساندى:ناويه ع اي

روز:مش عارفه سيباها لله

☆☆☆☆☆☆☆☆☆☆☆☆☆☆☆☆☆☆

سلمى:بقولك اي ي روز؟

(سلمى والده روز تشبه روز كتير )

روز:نعم ي قلبها

سلمى:انا بفكر انا وسعاد انكم تكتبوا الكتاب علطول

روز:متفكروش تاني

سلمى:ليه بس ي روز،احنا عارفين بعض وانتي موافقه ومش هنلاقى احسن منه ليكى؟

روز:افرضى مش كويس؟

سلمى:او كويس

روز:افرضى اخلاقه وحشه؟

سلمى:او أخلاقه حلوة

روز:افرضى بتاع بنات؟

سلمى:او مش بتاع بنات

روز:افرضى بيشرب سجاير او مخدرات؟

سلمى:او مش بيشرب

روز:افرضى طلع صايع وتوكسيك و رد سجون؟

سلمى:او مش صايع وتوكسيك ورد سجون

روز بعصبية:انا عايزة اعرف هو انا اللى بنتك والا هو اللى ابنك؟

سلمى:انتوا الاتنين

روز:يسلام؟!

سلمى:لما انتى بتسالى كل الاسئله دى ومش لقيالها اجابه اومال كنتى بتهببي اي ف الرؤيه؟

روز بتوتر:ها اه كان بيكلمنى ع مسيرته الفنيه

سلمى:امم وبعدين الايام جايه كتير وهتعرفوا بعض اكتر وبكرة تيجى تقوليلى ياريتنى كنت كتبت الكتاب؟

روز:او مش هقول

سلمى :او هتقولى

روز:او مش هقول

سلمى :امشى من وشى

☆☆☆☆☆☆☆☆☆☆☆☆☆☆☆☆☆☆

سعاد:عروستنا القمر عامله اي؟

روز:الحمد لله كويسه ي طنط

سعاد:جهزتى؟قصى تحت ف العربيه

روز:اه جهزنا يلا بينا

سعاد:انا عايزاكى تختارى كل اللى يعجبك ميهمكيش الفلوس

روز:انا مش بيهمنى الدهب خالص ي طنط

سعاد:بصى ي حبيبه طنط،الدهب دا هو صله الربط بينك وبينه، الدبله اللى بتلبسيها ف ايديكى بتربطك بشخص هيبقى جوزك مستقبليا..لازم تنقيها بكل حب وهتفهمى كلامى لما تلبسى الدبله يوم الخطوبه

روز بابتسامه:حاضر ي طنط

☆☆☆☆☆☆☆☆☆☆☆☆☆☆☆☆☆☆

روز بفرحه :اي رايك ف الدبله دى ي قصى؟

قصى بهمس:انتى هتصدقى والا اي؟وأكمل بصوت مسموع:حلوة

روز بحزن:هاخد الدبله دى

سعاد:شوفى ي روز السلسله دى حلوة اوي

روز ع وشك العياط:حلووة

قصى لاحظ زعلها:احم…. بصى ي روز السلسه دى شكلها حلو اوي هتبقى عليكي حلوة والخاتم دا بردو

روز بفرحه:ماشى هخدهم

قصى بفرح لفرحتها:اختارى اللى يعجبك

روز:حاضر

☆☆☆☆☆☆☆☆☆☆☆☆☆☆☆☆☆☆

قصى:هاتى ايدك

روز بكسوف :اتفضل

قصى لبسها الدبله وباس ايدها بحب:مبروك

روز بفرحه:الله يبارك فيك

بيرقصوا سلو….

قصى:البنات دول اصحابك؟

روز بغيرة:وانت مالك؟

قصى بضحك:مفيش بسال بس

روز:اي عايز تشوفلك عروسه وتتجوزها؟

قصى:اشوف عروسه والقمر دا معايا

روز بكسوف:اومال بتسال ليه؟

قصى:أصحابي كتير وشايفهم عينهم من اصحابك وف٣ من اصحابي مكلمينى ع ٣ بنات دلوقتي ومنهم اختك

روز بفرحه:كلهم اصحابي ومحترمين جدا والله

قصى:هنشوف الموضوع دا بعدين

☆☆☆☆☆☆☆☆☆☆☆☆☆☆☆☆☆☆

قصى:ازيك ي قمر؟

قمر:الحمد لله ي ابيه وانت

(قمر اخت روز 19سنه قمحيه البشرة واطول من روز )

قصى:الحمد لله كويس..روز فين؟

قمر:جوا ف الاوضه..خمس دقايق وهتطلعلك

قصى:ماشى ي قمر

روز:ازيك ي قصى

قصى:الحمد لله بقيت كويس لما شوفتك

روز بكسوف:دايماا

قصى:انا وانتى يارب

روز:هنبدا من النهاردة

قصى بعدم فهم:احم نبدا اي؟

روز:هتعلمنى الرسم؟؟

قصى بابتسامه:حاضر عايزة تتعلمى اي بالظبط

روز بحمااس:كل حاجه عايزه أعرف ارسم زيك

قصى:طب ورينى رسمك عشان اشوف مستوى رسمك

روز باحراج:انا لسه مبتدئه ثوانى هجيب الاسكتش من جوا

قصى:مالك مكسوفه كدا ليه علفكرا انتى لما تتعلمى هتبقى احسن منى…..رسمك حلو برغم قله خبرتك

روز بفرحه:بجد؟!

قصى:بجد

روز:احم طب هنبدا بايه

قصى:تمارين بسيطه خالص هنرسم اشكال هندسية مختلفه والخطوط بأنواعها ودواير ومنحنيات ك تدريب للايد وبعدين هنرسم اي شكل تحبيه كطبيعه صامته

روز:هنرسم؟!

قصى بحنان:اه طبعا..هنرسم مع بعض عشان نبدا مشوارك سوا..كل ما تيجى ترسمى تفتكرينى وتدعيلى كمان…زى ما اتعمل معايا هعمل معاكى

روز بغيرة:ايه؟!وانت مين اللى عملت معاك كدا؟