روايه احببت رساما الفصل الثانى 2 بقلم ندى تامر

روز بغيرة:ايه؟!وانت مين اللى عملت معاك كدا؟

قصى بابتسامه:اولا عمل معايا مش عملت معايا؟؟ثانيا يبقى والدى الله يرحمه

روز باحراج:اسفه…الله يرحمه

قصى:اقلامك والاسكتش يلا عشان نبدأ وكل جمعه ان شاء الله هناخد حاجه جديدة وطول الاسبوع اتمرنى ع الحاجه اللى هناخدها

روز بحب:أنت حلو اوي

قصى:انتى احلى

☆☆☆☆☆☆☆☆☆☆☆☆☆☆☆☆☆☆

روز:جايلك عريس ي سوو

ساندى:بجد طوله قد اي؟؟

روز بضحك:البنات اول حاجه بتسال عليها الشكل..الشغل..الأخلاق..الماديات..انما انتى الطول وش

ساندى:واحده زى حالاتى ١٧٢سم عايزانى اعمل اي يعنى؟؟

روز:متخافيش هو ١٨٢

ساندى بارتياح:١٠سم الف حمد والف شكر ليك ي رب

روز:نقول مبروك

ساندى بضحك:مش للدرجادى يعنى

روز:شافك ف الخطوبه صاحب قصى…قصى بيشكر فيه يعنى مضمون ميه ف الميه كمان ورانى صورته شكله حلو اوي

ساندى:ابعتى الصورة مفيش وقت للتفسير

روز بضحك:حاضر حاضر

ساندى:الله دا زى القمر

روز:اين الأخلاق انا لا أراها؟؟

ساندى:بس ي حيوانه والله اسمعك الريكوردات اللى بتمدحى فيها قصى وافضحك

روز:انى اسف

ساندى:ايوه كدا اتظبطى

☆☆☆☆☆☆☆☆☆☆☆☆☆☆☆☆☆☆

روز:قمر حبيبتي؟

قمر:نعم ي روز

روز:ف عريس متقدملك؟

قمر بتوتر:احم عريس اي انا لسه صغيرة؟

روز بخبث:يخساارة دا انتي لو شفتى العريس هتروحى تخطبيه انتى..اصله صاحب قصى بس اصغر منه عنده ٢٥ سنه واسمرانى زى ما بتحبي

قمر بلعت ريقها:هو اسمه اي؟

روز باستعباط:اسمه؟!لا مش فاكرة..هو اسمه سامر..ثائر حاجه زى كدا ف س تقريبا

قمر بتسرع:آسر؟!

روز:اه هو دا

قمر:طويل كدا وشعره بنى وكان لابس بدله كحلى؟

روز:اه هو..انتى تعرفيه؟؟

قمر:لا…احم اه شوفته مره ف الشارع وانا رايحه لصاحبتى اصله يبقى اخوها

روز:مقولتليش يعنى؟

قمر:مجيتش فرصه

روز:عارفه انك بتحبيه من زمان

قمر:لا طبعا

روز:كدابه…بتروحى عند صاحبتك عشان تشوفيه وهو كمان بيجى تحت البيت عشان يشوفك وانتى ماشيه بس انا متاكدة مليون ف الميه انك متعرفيش انه بيجى تحت وكمان عمرك ما كلمتيه

قمر:والله عمرى ما كلمته وأول مرة اعرفه انا بيجى تحت دلوقتى منك

روز:لما ببص عليكى بعد ما تنزلى بلاقيه مراقبك بعنيه استغربت فكرته شخص مش كويس وسألت كذا شخص عليه وقالى انه كويس وبالصدفه عرفت انه اخو صاحبتك من اسمه ولما قصى قالى انه بيحبك وعايز يتقدملك فهمت كل حاجه ودلوقتى حالا عرفت انك بتحبيه

قمر :عرفتى ازاى؟

روز:من عنيكى اللى بتطلع قلوب لما عرفتى ان هو

قمر بكسوف:حبيته غصب عنى

روز حضنتها:الحب مش عيب ي قمر العيب اننا نحب اي حد وخلاص اننا نجازف بمشاعرنا لحد ميستاهلهاش

قمر:ع كدا انتى بتحبى ابيه قصى

روز: بحبه وواثقه مليون ف الميه انه يستحق مشاعرى حتى لو مكملناش مع بعض

قمر:ربنا يفرحكم

☆☆☆☆☆☆☆☆☆☆☆☆☆☆☆☆☆☆

قصى:ماما حبيبتي

سعاد:تعالى ي قلب ماما

قصى:ريحه اكلك ماليه المكان…جوعتينى اكلينى بسرعه

سعاد :من عيوني ي حبيبي…روز كويسه؟

قصى بحزن:معرفش

سعاد:ازاى يعنى؟

قصى:اصل انا مش برن عليها..بخاف تتضايق او حاجه

سعاد:تتضايق؟؟مين قالك بس انها هتتضايق؟

قصى:ما انتى عارفه انها مبتحبنيش ي ماما

سعاد:مين قالك كدا؟حتى لو مبتحبكش ومخطوبين علشان متزعلوناش بردو مع الوقت هتحبك بس لازم تقرب منها؟

قصى باهتمام:ازاى يعني ي ماما؟

سعاد بحب:الست مننا بتحب الراجل اللى يفضلها ع كل الناس.بتحب الراجل الشديد مع الكل ويبقى معاها لين وحنين…يبقى راجل مع الكل ويجى عندها يبقى طفل صغير…يبقى يبقابل بنات الدنيا وعينه متشوفش غيرها…يهتم بادق تفاصيلها حتى لو كانت تافهه…حاول تشغلها بيك….اتكلم معاها كتير…قولها كلام حلو دايما حتى لو مردتش عليك من كسوفها ..اسالها رايحه فين وجايه منين..بينلها انك مهتم بيها…بينلها قد اي انك بتحبها وقد اي بتغير عليها…كل دا ومش عايزها تحبك؟كل دا وبتسال ازاى ي قصى؟

قصى حضنها:انا بحبك اوي ي ماما

سعاد:وانا كمان بحبك ي حبيب ماما

قصى:هروح اكلمها واجى

سعاد:روح ي حبيبي.ربنا يسعدكم

☆☆☆☆☆☆☆☆☆☆☆☆☆☆☆☆☆☆Nada tamer

قصى:الو

روز بخضه:الو… مالك ي قصى انت كويس؟

قصى بيلعن غباءه:لا ابدا برن اطمن عليكى

روز بارتياح:خضتنى فكرت ف حاجه…احم اصلى مش متعودة ترن عليا قليل اوي لو رنيت

قصى:احم انا اسف لو ازعجتك

روز:اسف اي دا انا طايرة من الفرحه

قصى:لا ي شيخه؟

روز :اه والله اصل العبد لله قليل اوي اما حد يرن عليه… ف حاسه انى مهمه اوي بمكالمتك دى

قصى:للدرجادى مكالمتى فارقه معاكى

روز:جدا..انت بتبقى فاضى امتى؟

قصى:انا طول الوقت فاضى مدام ليكى

روز بكسوف:انا بس مش عايزة اعطلك عن شغلك

قصى:مفيش عطله ولا حاجه كلمينى ف اي وقت تحبيه

روز:تمام..يومك كان عامل ازاى؟

قصى:عادي جدا..كان هيبقى قمر لو شوفتك

روز بكسوف:انا كمان يومى كان عادى

قصى :رسمت لوحه جديدة هبعتلك الصورة واتس لما نخلص كلام

روز بحماس:ابعتها واحنا بنتكلم

قصى:حاضر وبعتها

روز:ماشاء الله حلوة اوي

قصى:دى عيونك اللى حلوة

روز:انا كلمت ساندى وقمر

قصى:وقالولك اي؟

روز :شبه موافقين؟

قصى:تمام هقول للشباب يتقدموا وربنا يقدم اللى فيه الخير

روز:يارب

قصى:هروح اجيب صور السيشن بكرة

روز:ان شاء الله يارب يطلعوا حلوين

قصى:اكيد هيطلعوا حلوين عشان انتى فيهم

روز بكسوف:ربنا يخليك

قصى :هو انا ممكن اسالك سؤال؟

روز:اسأل

قصى:هو انتى ليه كنتى فرحانه اوي يوم الخطوبه؟

روز:عشان انا اول مرة اكون عروسة واول مرة اتخطب؟

قصى:بس انتى عارفه اننا مش هنكمل

روز:مش لازم نكون بنحب بعض او اخدين بعض عن حب عشان افرح وبعدين انا عمرى ف حياتى ما هتجوز عن حب…دا انا لما حد بيبعتلى ماسدج يقولى ازيك ويكون ولد بعمله بلوك وش دا غير الوش الخشب اللى مصدراه لكل شخص بقابله ف الحياه عادي…فأكيد يعنى هتجوز صالونات ف للاخر….فقولت افرح شويه يمكن متخطبش تانى الله اعلم… او ممكن نكمل مع بعض ما النهايه مفتوحه مش عارفه اي اللى هيحصل بعدين..لعل الله يحدث بعد ذلك أمرا

قصى:انتى بنت جميله جدا واي حد يتمناكى

روز ف سرها:وانا مش عايزة غيرك وأكملت بصوت مسموع:ربنا يخليك

☆☆☆☆☆☆☆☆☆☆☆☆☆☆☆☆☆☆Nada tamer

سعاد:هنعمل اي ي سلمى؟

سلمى:مش عارفه

سعاد:انا متاكدة ان قصى بيحبها

سلمى:وانا متاكدة ان روز بتحبه

سعاد:طب والعمل؟

سلمى:لازم نخليهم يتجوزوا

سعاد:كدا مستقبلهم هيضيع

سلمى:ولا هيضيع ولا حاجه…. كل الحكايه أننا هنخليهم قريبين من بعض اوى…ساعتها مش هيشوفوا غير بعض بس…هيحاولوا يتقبلوا بعض انتى فاهمانى

سعاد:عندك حق

سلمى:بس هنعملها ازاي دى؟

سعاد:عندى فكرة

سلمى:اي هى

☆☆☆☆☆☆☆☆☆☆☆☆☆☆☆☆☆☆

كارما:متيجى تقعدى معايا يقمر؟

(كارما صاحبة قمر واخت اسر إللى بيحب قمر )

قمر:مش هينفع ي كوكي

كارما:ليه بس

قمر:عشان اخوكى

كارما:علفكرا هو مش موجود ف البيت

قمر:معلش ي كوكي خليها مرة تانيه

كارما:براحتك..

قمر:طب ما تيجى انتي

كارما:ماشى هلبس واجيلك

قمر:هستناكى

☆☆☆☆☆☆☆☆☆☆☆☆☆☆☆☆☆☆

روز:مبروك ي سوو

ساندى:الله يبارك فيكى ي روحي

روز:عقبال الفرح يارب

ساندى:اي الماتشينج الحلو دا

روز بكسوف:حلو

ساندى:شكلكم زى القمر ربنا يحميكم

روز:يارب ي سوو

ساندى:الحقى قصى واقف مع واحدة

روز:واحده؟!عن اذنك هقتلهم وارجعلك

ساندى:البقاء للاقوى

☆☆☆☆☆☆☆☆☆☆☆☆☆☆☆☆☆☆

روز :مين العسل؟

قصى:انسه ملك كانت زميلتى ف الكليه

روز:تشرفنا

ملك:الشرف ليا..مين؟

روز رفعت ايدها توريها الدبله:روز خطيبته ومراته المستقبليه ان شاء الله

ملك:ان شاء الله متنساش تعزمنا ع الفرح ي فنان

قصى:ان ..

قاطعته روز:ان شاء الله يحبيبتي اول واحدة هعزمها

ملك:عن اذنكم

روز:اذنك معاكى ي حبيبتي

قصى باستمتاع:اي اللى انتى عملتيه دا؟

روز باستعباط:عملت اي؟

قصى قرب منها:انتى غيرانه؟

روز بجراءة:اه

قصى بحب :غيرانه منها؟!

روز:غيرانه عليك مش منها

قصى بفرحه:وغيرانه عليا ليه بقا؟

روز رفعت ايدها توريه الدبله:اظن الدبله دى بتربطنى بيك يعنى انت تخصنى وانا مبحبش حد يبص لحاجه بتاعتى

قصى بحب وحنان:انا مليش اي ذنب هى اللى كلمتنى وصدقينى انا مش بشوف اي بنت تانيه غيرك

روز:عارفه.بس انا اهم حاجه عندى ف العلاقه هى الاحترام..وانت الحمد لله محافظ ع دا

قصى:شكلك زى القمر كالعادة

روز بكسوف:الماتشينج عامل شغل جامد

قصى:اي حاجه بتكونى السبب فيها يتبقى حلوة بزيادة

روز:بس بقا عشان بتكثف

☆☆☆☆☆☆☆☆☆☆☆☆☆☆☆☆☆

سعاد : روز

روز:نعم ي طنط؟

سعاد:

روز بخضه:اي!